ჩაფიძის სახელობის კარდიოლოგიის ცენტრი

აკადემიკოს გ. ჩაფიძის სახელობის ჩაფიძის გულის ცენტრი 1994 წლიდან ქართული კარდიოლოგიის განვითარების ერთ-ერთი მთავარი მამოძრავებელი ძალაა. მრავალწლიანი გამოცდილების, პროფესიონალიზმისა და ინოვაციების საფუძველზე, ცენტრმა მნიშვნელოვანი წვლილი შეიტანა საქართველოში თანამედროვე კარდიოლოგიის, ინტერვენციული კარდიოლოგიისა და კარდიოქირურგიის ჩამოყალიბებასა და განვითარებაში.

ჩაფიძის გულის ცენტრი იყო ინვაზიური კარდიოლოგიის პირველი კლინიკა საქართველოში და დღემდე ინარჩუნებს ლიდერის პოზიციას გულ-სისხლძარღვთა დაავადებების დიაგნოსტიკის, მკურნალობისა და პრევენციის მიმართულებით. დღეს ცენტრი წარმოადგენს თანამედროვე მრავალპროფილურ სამედიცინო დაწესებულებას, რომელიც აერთიანებს კარდიოლოგიას, ინტერვენციულ კარდიოლოგიას, კარდიოქირურგიას, არითმოლოგიას, სისხლძარღვთა ქირურგიას, რეაბილიტაციას, პრევენციულ მედიცინას, პულმონოლოგიას, შინაგან მედიცინასა და დიაგნოსტიკურ სერვისებს. ჩაფიძის გულის ცენტრში ყოველწლიურად 25 000-მდე პაციენტი იღებს სამედიცინო მომსახურებას. კლინიკაში დასაქმებულია 400-მდე თანამშრომელი, რომელთა პროფესიონალიზმი, გამოცდილება და მუდმივი განვითარება მაღალი ხარისხის სამედიცინო მომსახურების საფუძველია. ჩვენი საქმიანობის მთავარი მიზანია პაციენტებისთვის საერთაშორისო სტანდარტების შესაბამისი, უსაფრთხო და ეფექტური სამედიცინო მომსახურების მიწოდება, თანამედროვე ტექნოლოგიებისა და მტკიცებულებებზე დაფუძნებული მედიცინის გამოყენებით. 30 წელზე მეტი გამოცდილება, პროფესიონალთა ძლიერი გუნდი და პაციენტების ნდობა - ეს არის საფუძველი, რომელზეც ჩაფიძის გულის ცენტრი აგრძელებს განვითარებას და ზრუნავს საზოგადოების გულის ჯანმრთელობაზე.